Reprezentuesi kosovar, Bersant Celina i ka paralajmëruar dy kundërshtarët e ardhshëm të Kosovës në kuadër të kualifikimeve për Kampionatin Evropian të vitit 2020, duke e konfirmuar gatishmërinë e tij për këto sfida, transmeton zeri.info.
Kosova së pari ndeshet me Malin e Zi më 7 qershor, kurse pas 3 ditësh përballet me Bullgarinë.
Edhe pse përflitej për një lëndim të futbollistit të Swanseas, ai duket se do të jetë për ndeshjet e radhës të përfaqësueses verdhekaltër.
Celina ka thënë se është gati për sfidat e radhës përmes një postimi në rrjetin social Instagram.
“Gati”, ka shkruar ai në një foto ku shihen këpucët e tij sportive, derisa përkrah shihet flamuri i Kosovës.
Celina ka shkëlqyer gjatë këtij edicioni me fanellën e Swanseas, derisa kontribuoi me 8 gola dhe 8 asistime në 42 ndeshje./Zëri
