Çaushi: Pushteti po frikësohet të diskutoj për rastin e Astritit

Deputeti i Lëvizjes Vetëvendosje Driton Çaushi në një prononcim për zeri.info ka thënë se kjo cështje tregon munges gadishmërie për këtë diskutim. Çaushi ndër të tjera thotë se pushteti po frikësohet të jap detaje rreth vdekjes së Astrit Deharit.

Deputeti i PDK-së Bislim Zogaj sot ka tërhequr nënshkrimin e tij për mbajtjen e një seance të jashtëzakonshme për rastin e Astrit Deharit.

Tërheqja e nënshkrimit të tij ka bërë që seanca e jashtëzakonshme të dështoj.

E për këtë dështim të kësaj seance VV konsideron se trysnia e pushtetit ka ndikuar në këtë çështje.

Deputeti i Lëvizjes Vetëvendosje Driton Çaushi në një prononcim për zeri.info ka thënë se kjo cështje tregon munges gadishmërie për këtë diskutim.

Çaushi ndër të tjera thotë se pushteti po frikësohet të jap detaje rreth vdekjes së Astrit Deharit.

“Dështimi i kësaj seance erdhi në momente të fundit, si pasojë e një nënshkrimi që u tërhoq nga deputeti i PDK’së. Kjo duket se ka ardhur nga trysnia e pushtetit, dhe një gjë e tillë është mjaft shqetësuese, meqë seanca parashihte diskutim për vdekjen e Deharit dhe nxerrjen e një rezolute që kërkon hetim të pavarur. Kjo çfarë ndodhi tregon mungesë gatishmërie për diskutim në lidhje me këtë çështje, tregon frikë të pushtetit. Por, ne do të vazhdojmë që të insistojmë për hetim të pavarur e vendim të drejtë, si dhe s’do ndalemi deri në ndërtimin e një sistemi të drejtësisë të pavarur e funksional”, ka thënë Çaushi/ZERI