Çartet Besart Berisha: S’i japin penallti, shkon dhe ankohet tek ekrani i VAR-it

Besart Berisha është çartur për një penallti të pa-dhënë nga gjyqtari në ndeshjen Sydney Wanderers – Western United. Sulmuesi kosovar pasi u zëvendësua madje ka shkuar tek ekrani i sistemit VAR duke insistuar se ishte penguar nga lojtari kundërshtar.

Besart Berisha ka qenë protagonist i një incidenti të ndodhur në fitoren e Sydney Wanderers me rezultat 1:0 ndaj Western United fundjavën që shkoi.

Në fakt, sulmuesi kosovar është fjalosur me zyrtarët e ndeshjes për një penallti të pa akorduar për të, shkruan Gazeta Express.

Ish-përfaqësuesi kosovar u pengua në zonën e rreptësisë kundërshtare, por gjyqtari nuk e ndali lojën.

35 vjeçari shihet që është kapur për fanelle nga lojtari kundërshtar, Simon Cox dhe i frustruar vrapon drejt gjyqtarit për penalltinë e pa-dhënë.

Dhe, pasi u zëvendësua në minutat e fundit të lojës, Berisha eksplodoi duke shkuar në drejtim të ekranit të VAR-it.

“Shikoje këtë”, dëgjohet duke thënë legjenda e A-League, siç e quan mediumi australian “foxsports.com.au”.

“Ai po më kap dhe po më dërgon poshtë. Si është e mundur kjo. Shikojë këtë. Shihe këtë. Ata (zyrtarët) duhet ta shohin këtë, unë e shoh pastër këtë. Nuk e kuptoj këtë”, dëgjohet duke thënë Berisha në video, pasi i afrohet ekranit të VAR-it, ku gjendet asistenti i referit. /Gazeta Express/