Cana shpreson për Evropë

Mesfushori kosovar, Lorik Cana, duke shprehur gëzimin e tij për fitoren e fundit 2:0 të Lazios kundër Sampdorias, ka thënë se skuadra e tij shpreson në Ligën e Evropës.

“Ne shënuam në kohën e duhur dhe ishim shumë kompakt, duke mos lejuar shumë hapësira. Ne duhet të vazhdojmë kështu dhe të fitojmë edhe në ndeshjen e fundit kundër një skuadre që ka cilësi dhe gjithashtu unë jam i bindur se Interi do ta ndalë Udinesen. Gjithsesi, ne duhet të koncentrohemi vetëm në lojën tonë, sikurse ndaj Sampdorias”, deklaroi Cana.

Në ndeshjen e fundit kampionale, kryeqytetasit italian luajnë kundër Cagliarit në udhëtim. Pas fitores ndaj Sampdorias, Lazio ka 61 pikë në renditjen e Series A, duke qëndruar në pozitën e gjashtë, me dy pikë më pak se Udinese.