Cana shpalos flamurin e Ibrahim Rugovës në ndeshjen Itali – Kroaci

Kapiteni i Kombëtares Shqiptare, Lorik Cana, ka shpalosur flamurin e “Dardanisë” të Ibrahim Rugovës në shkallët e stadiumit ‘San Siro’ në Milano, teksa po e përcillte ndeshjen Itali-Kroaci sonte.

Kapiteni i shoqëruar edhe nga komentatori i mirënjohur shqiptar, Dritan Shakohoxha, kanë pozuar me disa tifozë kroat duke mbajtur flamurin e Ibrahim Rugovës në dorë, raporton Telegrafi.

Shakohoxha ka postuar këtë fotografi në Instagram, me mbi shkrimin: “Itali-Kroaci, San Siro. Tifozët kroat me flamurin e Ibrahim Rugovës, “Kosovës”, që përmban ngjyrat kuq e zi dhe simbolin tonë kombëtar, me simbole ilire dhe shkruan Dardania. Shpjegues Loriku”. /Telegrafi/