Cana: Lamtumirë Shqipëri!

Kapiteni i Kombëtares është ai që i ka udhëhequr kuqezinjtë në fushë përgjatë të gjithë rrugëtimit për në “Euro 2016”.

Por, karriera e tij ndërkombëtare është duke shkuar drejt fundit.

Ai në një intervistë për “Panorama Sport” nga Luksemburgu, ka pranuar se mund të pensionohet nga Kombëtarja pas “Euro 2016”.

“Çdo ndeshje dhe grumbullim është në funksion të saj që të përgatitemi dhe të jemi sa më gati për të. Unë kam pasur nderin që të jem kapiten i këtij brezi dhe të jap sa më shumë nga përvoja ime për lojtarë si Ajeti apo Gjimshiti që do të jenë e ardhmja e Kombëtares. Pas Europianit do të marr disa ditë pushime përpara se të ndërmarr një vendim të konsultuar edhe me familjen time se çfarë do të bëj”, u shpreh ai.