Cana kthehet në fushë

Lorik Cana do të jetë sot në fushë nga minuta e parë. Trajneri Michel Der Zakarian konfirmoi aktivizimin e mbrojtësit shqiptar në takimin e Kupës së Francës ndaj Mantesit.

Kapiteni i Kombëtares mungonte prej 1 muaji e gjysmë. Ndeshja e fundit e zhvilluar prej tij është ajo e 5 dhjetorit në kampionat ndaj Ajaccio.

Vetë Lorik Cana pranoi në një konferencë disa ditë më parë, se nuk mund të luajë të gjitha takimet Nantes, por gjithsesi i duhen minuta, që të jetë gati për finalet e Euro 2016.

Ndeshja Mantes–Nantes do të nisë në orën 18:30, e vlefshme për 1/16 e Kupës së Francës.