Cana: Krenar që e përfaqësoj një popull të tërë

Lorik Cana thotë se një ndër momentet më të mira në karrierën e tij ishte kur e veshi fanellën e Kombëtares shqiptare. Futbollisti gjakovar ndihet krenar që e përfaqëson një popull të tërë.

“Ndër momentet më të mira që mund t’i kujtoj në karrierë është kur e kam veshur ëpr herë të parë fanellën e Kombëtares. Ishte një emocion unik, sepse në atë moment je i vetëdijshëm se po e përfaqëson një popull të tërë”, ka thënë Cana për mediat italiane, përcjell Zëri.

“Një tjetër moment unik ishte kur e mposhtëm Romën në finale të Kupës së Italisë, dy vjet më parë. Ndërkaq, gjithashtu, një moment i bukur ishte kur kam debutuar në fanellën e Paris Saint-Germainit”, vazhdoi Cana, raporton Zëri.

Sa u përket miqve më të mirë, ai thotë se në Romë e kishte Mehdi Benatian, të cilin e njihte që nga koha kur ishte në Marseille. Cana shton se është i lumtur me këtë futbollist, për karrierën që po e bën tash në Bayern Munich. Ndërkaq, mik tjetër e konsideron edhe Miralem Pjanicin e Romës. /Zëri/