Cana, i gatshëm, Berisha në dyshim

Portieri kosovar Etrit Berisha pritet të mos udhëtojë me skuadrën e Lazios për ndeshjen me Veronën në fundjavë. Ai mungoi edhe ndeshjen e shkuar të Kampionatit italian, pasi ka pësuar një lëndim në kokë. Megjithatë Berisha u është kthyer stërvitjeve, por ende nuk është i gatshëm të luaj, njofton të mërkurën “tuttosport.com”.

Sipas kësaj uebfaqe, nga gripi është shëruar mbrojtësi kosovar, Lorik Cana, dhe ai do të jetë i gatshëm për ndeshjen me Veronën. Ndeshja Verona – Lazio, zhvillohet të dielën dhe i takon xhiros së 17-të të Kampionatit italian, Serie A.