Cana dhe Lenjani vazhdojnë me mrekulli në Ligue 1

Lorik Cana dhe Ermir Lenjani kanë vazhduar me formën e tyre fantastike në kampionatin francez.Dy yjet e Kombëtares shqiptare kanë qenë titullarë në ndeshjen Nantes – Lorient ku në fund kanë shënuar fitore 2:1.

Me tri pikët e reja, Nantes tani ndodhet në pozitën e pestë në tabelë me 39 pikë të tubuara, sa ka edhe vendi i tretë që i dërgon skuadrat franceze në Ligën e Kampionëve.

Kjo fitore ishte e veçantë për skuadrën verdh e gjelbër, pasi ata nuk mposhtën që nga muaji nëntor.

Humbja e fundit e Nantesit ka ndodhur në muajin nëntor më saktësisht më 21 nëntor dhe që nga ajo ndeshje kanë zhvilluar 15 ndeshje duke mos e humbur asnjë.

Nga 15 ndeshje deri më tani, Nantes ka arritur shtatë fitore dhe tetë barazime në ligë dhe në Kupë.

Suksesi i yjeve shqiptarë dhe Nantesit ka bërë që të gjitha mediat franceze të shkruajnë me superlativa për skuadrën që po mahnitë dhe ajo është Nantes. /Telegrafi/