Caktohet masa e paraburgimit prej një muaji ndaj tre të pandehurve

Gjilan – Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit të pandehurve Kushtrim Rexhepi, Shqiprim Rexhepi dhe B.M.në kohëzgjatje prej 1 (një) muaji.

Të pandehurit Kushtrim Rexhepi, Shqiprim Rexhepi dhe B.M. dyshohet se me datë 13.10.2018 me qëllim të përvetësimit të kundërligjshëm pasuror për vete, duke përdorur forcën kanë kryer vjedhje në lokalin “ECC-OBET”, duke marr tetë (8) televizor të markave të ndryshëm, një llaptop, një shtëpizë kompjuteri dhe një shumë të hollave rreth 150 euro. Me këto veprime të pandehurit në fjalë, kanë kryer veprën penale vjedhje e rëndë.

Gjyqtari i procedurës paraprake pas shqyrtimit të gjitha shkresave të lëndës, ka vendosur masën e paraburgimit për të pandehurit.

Palët kanë të drejtën e ankesës ndaj këtij vendimi në Gjykatën e Apelit njoftoj Sabit Shkodra zëdhënës./rajonipress/