Caktohet masa e paraburgimit ndaj të pandehurit Gani Bernjashi
Gjilan – Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit të pandehurit Gani Bernjashi në kohëzgjatje prej 1 (një) muaji.
I pandehuri G. B. shqiptar nga Komuna e Kamenicës, dyshohet se me datë 24.05.2018 në mënyrë tejet të vrazhdë, me dashje e ka privuar nga jeta djalin e tij të ndjerin L.B., në atë mënyrë që të njëjtin e godet fillimisht me shufër plastike, e pastaj me një shkop druri disa herë në pjesën e pasme të kokës e në pjesë të tjera të trupit dhe duke mos i ofruar ndihmë edhe pse kishte marr plagë të rënda.
Me këto veprime i pandehuri ka kryer veprën penale vrasje e rëndë. Palët kanë të drejtën e ankesës ndaj këtij vendimi në Gjykatën e Apelit njoftoj zëdhënësi i Gjykatës Sabit Shkodra./rajonipress/