Caktohet masa e arrestit shtëpiak ndaj tri gjinekologeve

Gjilan – Gjyqtari i procedurës paraprake në Departamentin e Krimeve të Rënda të Gjykatës Themelore në Gjilan, ka refuzuar kërkesën e Prokurorisë Themelore të Gjilanit për caktim të masës së paraburgimit ndaj të pandehurës Maxhide Shaqiri dhe Hamide Zeqiri duke i caktuar masën e arrestit shtëpiak në kohëzgjatje prej 1 (një) muaji, ndërsa ka aprovuar kërkesën e prokurorisë për masën e arrestit shtëpiak për të pandehurën Vjollca Kosumi.

Të pandehurat Maxhide Shaqiri, Hamide Zeqiri shqiptare, shtetase të Republikës së Kosovës, dyshohet se kanë veprat penale në bashkëkryerje: trajtim i pandërgjegjshëm mjekësor dhe mosdhënia e ndihmës mjekësore.

Ndërsa e pandehura Vjollca Kosumi shqiptare, shtetase e Republikës së Kosovës, dyshohet se ka kryer veprën penale: mosdhënia e ndihmës mjekësore.

Palët gëzojnë të drejtën e kontestimit të këtij aktvendimi në Gjykatën e Apelit./rajonipress/