Caktimi i kufijve, çështje e ligjit ndërkombëtar

Ish-kryetari i Gjykatës Kushtetuese, Enver Hasani, ka vlerësuar se caktimi i kufijve të Kosovës nuk është punë gjeografie dhe gjeodezie, por një problem kryekëput i ligjit ndërkombëtar.

“Caktimi i kufijve të Kosovës nuk është punë gjeografie dhe gjeodezie por një problem kryekëput i ligjit ndërkombëtar. Kjo është kështu sipas praktikës ndërkombëtare të trasuar që nge dekolonizimi i Amerikës Latine, fitimi i pavarësisë së vendeve të Afrikës dhe shpërbërja e federatave komuniste pas mbarimit të Luftës së Ftoftë. Marrëveshja për Delimitim, jo gjendja kadastrale dubioze, duhet të jetë pika nisëse me rastin e caktimit të kufirit kosovar në çdo sektor të tij. Kjo me Malin e Zi është vetëm maja e Ajsbergut e asaj që pritet të ndodhë me sektorin qindra kilometersh të kufirit Kosovë-Serbi…! Më gjerësisht rreth kësaj teme do të flasim, më 25 prill (nesër) në një seminar për kufijtë e Kosovës që organizohet në Fakultetin Juridik të Universitetit të Prishtinës”, ka shkruar Hasani në profilin e vet në “Facebook”.