Cakolli: Nuk ka legjitimitet më Kurti të rikandidohe

Eugen Cakolli nga KDI, në tha se kryeministri në detyrë, Albin Kurti nuk ka më legjitimitet të rikandidohet për mandatar të qeverisë së re.

“Në kuptimin praktik nuk ka sens që i njëjti kandidat (Albin Kurti) që para 10 ditësh nuk i ka marrë votat në Kuvend pa i marrëveshje tjetër t’i propozohet sërish Kuvendi”, tha Cakolli në RTV21.

Ai për situatën me të cilën Kosova po ballafaqohet pa qeveri të re, tha se që nga 15 prilli kur ka qenë seanca e parë konstituive deri më tani kanë qenë metoda të përdorura nga Vetëvendosje.

“Besoj që nisur nga seanca konstitutive e nisur më 15 prill, në çështjen e zgjedhjes së kryetarit të Kuvendit, vonesat e qëllimshme dhe shkelja e qëllimshme e kushtetutës, duke e ditur që lënda do të përfundoj në Gjykatë e gjykata do t’i kthej pas. Në mënyrë që të përfshihet edhe vetë gjykata si palë kanë qenë metoda të përdorura nga LVV përgjatë muajve të fundit në mënyrë që të vinë në pikën ku jemi sot”, deklaroi ai.