Cakaj: Liberalizimi i vizave për Kosovën është një proces i stërvonuar nga BE

Ministri i Shqipërisë, për Punë të Jashtme dhe Evropë, Gent Cakaj, ka treguar se e ka shtjelluar si problem çështjen e liberalizimit të vizave për Kosovën, në debatin virtual të diskutimit me përfaqësues të Ballkanit Perëndimor.

Cakaj, përmes një postimi në Facebook, ka thënë se liberalizimi për kosovarët është proces i stërvonuar dhe Bashkimi Evropian duhet ta mundësojë liberalizimin sa më shpejt.

Postimi i plotë:

Sot, me ftesë të Ministrit të Jashtëm të Gjermanisë, z. Heiko Mass, mora pjesë në Konferencën Ndërkombëtare: “Të rinjtë, migracioni dhe sfidat demografike në Ballkanin Perëndimor”.

Theksuam, mes tjerash, përkushtimin e fortë të Shqipërisë për të çuar përpara të gjitha reformat e nevojshme për anëtarësim në Bashkimin Evropian. Ky është çelësi për t’i siguruar një perspektivë më të ndritshme shoqërisë shqiptare e rinisë në veçanti: zhvillimi i një jete në përputhje me standardet e Bashkimit Evropian, në Shqipëri. Shqipëria, populli i të cilës mbështet në masë më shumë se 90% procesin e integrimit evropian, natyrisht, do të vazhdojë pa kursyer asnjë përpjekje për t’u bërë një ditë anëtare e familjes së vendeve të Evropës së bashkuar.

Patjetër, patjetër: nënvizuam fort se liberalizimi i vizave për Kosovën është një proces i stërvonuar dhe Bashkimi Evropian duhet t’ju mundësojë sa më parë lëvizjen e lirë shtetasve të Republikës më të re të Evropës

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).