Ministri i Jashtëm i Shqipërisë, Gent Cakaj, ka shprehur edhe një herë mbështetje për presidentin Hashim Thaçi dhe kreun e PDK-së, Kadri Veseli, për të cilët tashmë janë publikuar aktakuzat nga Prokurori I Specializuar në Hagë.
Cakaj, ka thënë se kur është në pyetje UÇK-ja, duhet të reagohet si një komb dhe se duhet shprehur mbëstetjen e pakursyer për Thaçin dhe Veselin, transmeton Zeri.info.
“Fare thjesht: Kur vjen puna te pastëria dhe drejtësia e Ushtrisë Çlirimtare të Kosovës nuk duhet të reagojmë si shumë parti, as si dy shtete, por si një komb! Historia e UÇK-së dhe e popullit shqiptar nuk mund të njolloset asnjëherë e nga askush! Ndaj, secili prej nesh, i bindur në pafajësinë e themeluesve të UÇK-së dhe vlerave të patjetërsueshme të saj, duhet të shprehur mbështetjen e pakursyer për dy çlirimtarët, Hashim Thaçi e Kadri Veseli”,ka shkruar Cakaj./Zëri/
