Çaji në shërbim të shëndetit

Çaj nga valeriana, për gjumë të mirë.

Valeriana ndikon si sedativ dhe ndihmon te pagjumësia, e çajin më së miri është ta pini disa orë para se të shkoni në shtrat, në mënyrë që trupi të relaksohet. Pos problemeve me gjumë, valeriana ndihmon edhe te telashet me lukth dhe me zorrë.

Çaj nga xhenxhefili, kundër dhimbjeve të kokës

Xhenxhefili ka efekt kundër inflamacioneve dhe bllokon veprimin e kemikateve që shkaktojnë dhimbjet e padurueshme të kokës. Çaji nga xhenxhefili ndikon njëjtë shpejt sikurse tabletat dhe është alternativë e mirë natyrale kundër ilaçeve farmaceutike.

Çaji i bardhë nxit humbjen në peshë

Çaji i bardhë është i pasur me antioksidues të fortë, polifenole dhe shihet si një nga llojet më të shëndetshme të çajit. E forcon sistemin imun, e përshpejton punën e metabolizmit dhe parandalon shfaqjen e rrudhave dhe krijimin e qelizave të reja yndyrore.

(Kosova Sot)