Çaji magjik, që përmban 14 herë më shumë antioksidues se boronicat

Tash e një periudhë të gjatë kohore çaji i gjelbër është në zë si lloji më i shëndetshëm, i njohur, i çajit. Për përparësitë e tij shëndetësore më meritorët janë antioksiduesit.

Por, studimi më i fundit zbulon se ekziston një lloj edhe më i shëndetshëm i çajit, madje më i shëndetshëm edhe se çaji i gjelbër.

Bëhet fjalë për çajin “matsha”. Çaji “matsha” fitohen nga e njëjta bimë sikurse edhe çaji i gjelbër, i vetmi dallim është aty se mblidhen gjethet e reja të bimës, të cilat para se të përpunohen mbahen në vende të errëta dhe të thata për dy javë rresht.

Në këtë mënyrë shtohet niveli i klorofilit dhe antioksiduesve te ta. Kur gjethet e reja të bimës qëndrojnë për dy javë në vend të errët e të tharë, vlerat e tyre shëruese shtohen shumë, ka deklaruar profesoresha Mariza Snyder. Çaji “matsha” përmban 14 herë më shumë antioksidues në krahasim me boronicat.

Antioksiduesit marrin pjesë në parandalimin e sëmundjeve të zemrës, çrregullimeve kognitive, llojeve të ndryshme të kancerit, diabetit, tipi 2 dhe rregullimin e kolesterolit. Çaji “matsha” përmban edhe aminoacidin “L-teanin”, që përmirëson përqendrimin, kujtesën dhe marrjen e informatave të reja.

(Kosova Sot Online)