RCCOLA

Buzhala godet Vetëvendosjen dhe LDK- në

/ 4 minuta lexim

Deputeti i PDK’së, Berat Buzhala dhe Kryetari i Grupit Parlamentar të LDK-së, Ismet Beqiri sërish janë përplasur ne Kuvend, gjatë interpelancës ndaj Enver Hoxhajt.

“U përmend këtu politika e jashtme konsensuale konkretisht u përmend nga deputeti Sabri Hamiti, i cili kërkoi që të kemi një politikë të jashtme konsensuale edhe unë mendoj që kjo do të ishte mirë por unë e kam një pyetje. Pyetja ime është edhe për Zotin Hamiti edhe për gjithë të tjerët: a është e vërtetë që kryetari i Komisionit për politikë të jashtme zoti Albin Kurti, nuk ka vizë për Shtetet e Bashkuara të Amerikës, a është e vërtetë që ky Komision përveç vizitës në Shqipëri nuk ka realizuar asnjë vizitë tjetër dikund tjetër nëpër botë… A është e vërtetë që nuk keni zhvillu vizita tjetër kund përveç Shqipërisë e në Shqipëri te Zoti Berisha pothuajse të gjithë banorët e Republikës së Kosovës kanë shku.

Pra ku është integriteti i Komisionit për politikë të jashtme. Pyetja tjetër, Liderët e opozitës nuk e kanë të ndaluar me ligj me vizitu shtetet e tjera. Aq sa di unë Lideri i Opozitës Isa Mustafa tash së fundi e ka realizuar një vizitë në Britani të madhe ku u taku me një zyrtarë jo nivel i lartë dhe kjo është në mbarëmendjen time vizita e vetme e cila është realizu jashtë shtetit edhe atje e dha premtimin i cili ma vonë u mohua për pjesëmarrjen në dialog.

Ndërsa lideri tjetër i Opozitës Shoku Albin Kurti ka realizuar një vizitë tjetër në Gjermani me zotin Lamzder, pra ky ka qenë niveli i takimeve prej liderëve të opozitës çfarë politke konsensuale mund të zhvillohet këtu kur liderët e opozitës kanë probleme katër vitet e fundit me njeriun kryesor të SHBA’ve në vendin tonë Christopher Dell të cilin e kanë akuzuar dhe implikuar në lloj lloj aferash. Kush është partneri jonë, a është Venezuela a është Irani a është Korea e Veriut, pra zoti Enver Hoxhaj do ta bënte gabimin më të madh nëse do të provonte që me persona që sigurisht ja kanë uruar Chavezit zgjedhjet e fundit të provonte të bënte një politikë të jashtme”, ka thënë Buzhala.

Fidanishtja

Ndërsa, Ismet Beqiri deklaratat e Buzhalës i ka cilësuar si gënjeshtra.

“Unë po filloj me këtë të fundit se ky don me u bo interesant. Mos të bohet avokat i zotit Dell se kush se ka akuzu për biznes, për këtu po, jo akuzues po tregues se ky merret me biznese dhe me punë që nuk i takojnë një njeriu deputet dhe përfaqësues se dikush ka mu marrë edhe me të. Unë ju kisha lut Zoti kryesues e di që ky është parlament dhe nuk është hera e parë, mos lejoni këtë provokatorë të bëjë spektakle të tilla në seancë sepse s’është e vërtetë Lideri i Opozitës ky po ja numërojka….se di a është edhe ky SHIK… po ja numërojka vizitat zotit Mutafa. Liderin e opozitës s’kam nevojë me e mbrojt se e mbron puna e vet. Por, ky po fol të pavërteta po fol rrena, gënjeshtra…”, tha Beqiri.

Buzhala iu është kundërpërgjigjur Beqirit.

“Isa (Mustafa) o ka i shtron ma të mira rrasat se ti në Sheshin Nëna Terezë”, tha Buzhala.(express)