Buxhovi për humbjen e LDK’së: Pas vdekjes së Rugovës ka filluar rrënimi i i partisë prej njerëzve nga brenda

Historiani Jusuf Buxhovi thotë se e e ka pritur një rënie të LDK’së, por jo një rënie aq të thellë, raporton Gazeta Express.

Historiani Jusuf Buxhovi në emisionin Pressing të T7 tha se që nga vdekja e Ibrahim Rugovës ka filluar rrënimi i LDK’së nga njerëzit brenda kësaj partie.

“Bash të tillë jo, por rënie po. Si themelues i LDK’së them se LDK’ja është histori, është ajo që e ka nis një proces. LDK ka shumë simpatizantë dhe LDK’ja po them prej vitit 2006, prej kuvendit kur u bë ajo përçarja vazhdimisht ka punuar kundër vetvetes. Me vdekjen e Rugovës ka filluar rrënimi i brendshëm i LDK’së prej njerëzve nga brenda”, thotë Buxhovi.

Ai foli edhe për kryetarin në dorëheqjë të LDK’së, Isa Mustafa për të cilin tha se gjithmonë është munduar t’i arsyetojë humbjet e LDK’së.

“Në aspektin profesional ka qenë më i përgatitur se të gjithë të tjerët, në aspektin politik ka menduar ndoshta ta imitojë Rugovën e hajde mos të hyjmë në konfikte… Ai ka filluar t’i humb zgjedhjet me radhë. Problemi ka qenë aty. Për mua ka qenë e pabesueshme, në çdo zgjedhje është munduar të gjej arsye për humbje”, tha Buxhovi. /Express/

Shpërndaje.
© RAJONIPRESS