Buxheti humb miliarda

Ndonëse ka shumë fusha ku Qeveritë e pasluftës dhe Qeveria aktuale kanë dështuar në mbledhjen e buxhetit të vendit, janë disa sish që po dallohen së tepërmi për të keq dhe ato janë evazioni fiskal, kontrabanda dhe në veçanti dështimet më të mëdha arrijnë nga bizneset e lidhura ngushtë me krerët e institucioneve, të partive politike dhe të zyrtarëve të tyre nga politikat “e larta”.

Ekonomia e zezë e dëmton rëndë Republikën.

Lideri i AKB-së, Agim Shahini, tha për “Kosova Sot” se armiku më i madh i rritjes së buxheti janë evazioni fiskal dhe kontrabanda, sepse nuk ka asnjë fije dyshimi se në veriun e Kosovës me të madhe po vazhdojnë që të futen mallra nga Serbia në Kosovë nëpër rrugët alternative,raporton Gazeta Kosova Sot

Ndonëse ka shumë fusha ku Qeveritë e pasluftës dhe Qeveria aktuale kanë dështuar në mbledhjen e buxhetit të vendit, janë disa sish që po dallohen së tepërmi për të keq dhe ato janë evazioni fiskal, kontrabanda dhe në veçanti dështimet më të mëdha arrijnë nga bizneset e lidhura ngushtë me krerët e institucioneve, të partive politike dhe të zyrtarëve të tyre nga politikat “e larta”.

Ndaj, këta faktorë, sipas ekspertëve ekonomikë dhe deputetëve janë indikatorët kryesorë për të keq që po e përgjysmojnë buxhetin e Kosovës. Sipas ekspertëve të kësaj fushe, shkalla e informalitetit në Kosovë tashmë është rritur në 35 për qind të importit të përgjithshëm, që është më shumë se 2.5 miliardë euro gjatë një viti.

Deputeti opozitar në Kuvendin e Kosovës, Bali Muharremaj, (AAK), shprehet për “Kosova Sot ” se pushtetarët tanë po kontribuojnë qëllimshëm në mbrojtjen e interesit të tyre përmes zhvatjes, duke ndikuar negativisht në shumë fusha në mbledhjen e buxhetit, duke kërcënuar dhe dështuar në mbledhjen e buxhetit. Ai alarmon se ka dyshime se këtë po e bëjnë trekëndëshi i mafiozëve i përbërë nga mafio-politikanët, mafio-oligarkët financiarë dhe oligarkët e bizneseve të paligjshme dhe të inkriminuara përmes kontrabandës së madhe dhe evazionit fiskal që bëhet në tërë vendin e veçanërisht në Veriun e Kosovës.

Veriu, oazë kontrabande Deputeti opozitar, Muharremaj, shprehet se në veriun e vendit tonë nëpër të gjitha rrugët dytësore, që janë ndërtuar enkas nga tregtarët serbë e shqiptarë, tashmë nga paslufta e deri më sot atje para syve të Policisë së Kosovës po vazhdohet të bëhet një kontrabandë qindra milionëshe e mallrave. Për deputetin Muharremaj është e habitshme, sepse po heshtin Policia e Kosovës dhe doganat lidhur me këtë situatë.

Ndërsa eksperti i fushës së Doganave dhe të Shpedicionit, Lutfi Rexhepi, është i mendimit se dikujt po i konvenon që në atë pjesë të vendit të bëhet kontrabandë dhe evazion fiskal, sepse shton se përfaqësuesit e shtetit po të kishin një dëshirë minimale, ata do të mund ta ndalonin kontrabandën dhe evazionin fiskal në veri të Kosovës. “Kjo do të bëhej nëpërmes krijimit të Task-forcës së përbërë prej Doganave dhe Policisë kufitare, duke krijuar ekipe lëvizëse mobile, si edhe postblloqe kontrolluese që do të përbëheshin nga Doganat dhe Policia kufitare e Kosovës”, ka thënë ai.

Eksperti Integrimeve Evropiane, Nëntor Shaqiri, i ka kritikuar tej mase veprimet neglizhente të deritashme të institucioneve shtetërore të Kosovës, në veçanti Policinë dhe Doganat. “Qeveria e Kosovës duhet të organizohet më mirë që ta luftojnë evazionin fiskal dhe kontrabandën, pasi shkalla e ekonomisë informale ende mbetet e lartë në vendin tonë”, tha ai./kosova sot/