Buxheti 2015, në “sirtarët” e Kuvendit

Projektbuxheti i Kosovës për vitin 2015, i aprovuar nga Qeveria, që nga 1 nëntori po qëndron në sirtarët e Kuvendit. Ky Projektbuxhet nuk po procedohet në strukturat parlamentare, pasi që subjektet politike për më shumë se 5 muaj kanë dështuar t’i zgjedhin drejtuesit e këtij institucioni.

Sipas procedurave të rregullta, Projektbuxheti pas miratimit nga Qeveria duhet ta kalojë leximin e parë dhe pas leximit të dytë të miratohet nga Kuvendi, në mënyrë që më së largu deri më 31 dhjetor të nënshkruhet nga presidentja Atifete Jahjaga./zeri/