Bushati siguron mbështetje për shqiptarët e Luginës

Ministri i Punëve të jashtme të Republikës së Shipërisë Ditmir Bushati sot në kabinetin e tij në Tiranë ka pritur një delegacion nga Lugina e Preshevës në përbërje të Riza Halimit , deputet, Galip Beqiir, kyretar i Këshillit Shqiptar me seli në Bujanoc etj.

Në këtë takim u bisedua kryesisht për situatën aktuale, atë të arsimit, sidomos diskriminimin e shqiptarëve në Luginë, ka deklrauar Galip Beiqri për “Preshva Jonë” .

Gjatë bisedës, bashkëkombësit nga Lugina e Preshevës informuan mbi situatën politike, ekonomike dhe sociale në Luginën e Preshevës, si dhe prezantuan punën e bërë nga Këshilli Kombëtar Shqiptar në drejtim të zgjidhjes së problemeve kryesore dhe shqetësimeve me të cilat përballet pakica kombëtare shqiptare në Luginën e Preshevës e gjetkë në Serbi.

Ministri Bushati i siguroi bashkëbiseduesit se, nga shteti amë, mbështetja morale, politike dhe materiale për shqiptarët e atyre trevave do të jetë gjithnjë në rritje.
Ai theksoi se, “ Shqipëria do të punojë që shqiptaret në Republikën e Serbisë të trajtohen sipas standardeve më të përparuara dhe demokratike, në mënyrë që të integrohen plotësisht dhe si qytetarë tё barabartë në jetën dhe institucionet e vendit ku jetojnë”.

Ndërkohë, Ministri Bushati kërkoi që të ketë një koordinim më të mirë mes faktorit politik shqiptar në Luginë për adresimin dhe zgjidhjen e shpejtë të të gjitha çështjeve me rëndësi jetike për këtë komunitet shqiptar.

Delgacioni nga Presheva pas takimit me shefin ministrin shqiptar Bushati, do të takohen edhe me kyryeparlamentarin e Shqipërisë Ilir Metën, ministrin shqiptare të arsimit etj./Presheva Jonë/