Bushati në GYMNICH: Marrëveshja Kosovë – Serbi të finalizohet me njohje reciproke

Ministri i jashtëm i Shqipërisë, Ditmir Bushati gjatë deklaratës për media në kuadër të punimeve të konferencës së ministrave të jashtëm të BE-së dhe Ballkanit perëndimor që po mbahet në Vjenë – GYMNICH, ka deklaruar se Shqipëria mbështet vazhdimin e dialogut mes Kosovës dhe Serisë dhe se presin që marrëveshja finale të prodhojë stabilitet në Ballkan.

“Ne inkurajojmë vazhdimin e dialogut të lehtësuar nga Bashkimi evropian ndërmjet Kosovës dhe Serbisë. Shpresojmë se do të finalizohet marrëveshja me njohje reciproke dhe marrëveshjen obligative ligjore e cila do të prodhojë më shumë stabilitet në fqinjësi”, citohet të ketë thënë ai në faqen zyrtare të Ministrisë së Jashtme të Shqipërisë në Twitter.