Uji Dea

Burri kokëfortë, tregim satirik

/ 2 minuta lexim

Nga Nijazi Kastrati – Njena ishte martuar dhe kishte dalë nga derë e madhe, ku kishte rend e rregull, ndërsa këtu tek burri hasi në diçka tjetër, ku burri as nuk pyeste e as nuk i tregonte gruas se ku po shkon, apo ku gjendet sot, apo çfarë pune ka për të kryer.

Gruas nuk i pëlqente sjellja e tij, sepse donte të dinte për burrin se ku ka shkuar dhe çfarë punë po bën etj. Kështu gati se kaloi një jetë e plotë, pa i treguar kurrë se ku po shkon.

Eco Higjiena

Një ditë burri u sëmur rëndë dhe pas disa ditësh vdiq. Po e dërgojnë për ta varrosur, e duke ecur gruas i qeshet dhe i shkoi buza në gaz. Motra e saj e pa dhe ia tërhoqi vërejtjen:

  • Kujdes motër se po të sheh dikush e është turp, dhe përse qeshe tregomë?
    Asaj prape iu qesh dhe ashtu duke qeshur i tha:
    -Ah moj motër, pas 60 vitesh martese, sot për herë të parë po e di se ku po shkon burri!
    Edhe motrës iu qesh dhe dyjat kthyen kokën anash që mos t`i sheh kush duke qeshur!