Burim Hyseni rikthehet në fushën e futbollit, starton për mrekulli në KF “Kika”

Gjilan – Burimi ka shumë oferta nga klubet e Superligës së Kosovës dhe nga disa klube jashtë Kosovës, por këtë sezon ka vendos të tregojë se është në formën e tij më të mirë dhe pastaj do të vendos për vazhdimin e karrierës së tij duke mos e përjashtuar as KF Gjilanin ku ka bërë hapat e parë si futbollist profesionist

Burim Hyseni, i lindur, më 25 qershor 1992, nga Malisheva e Gjilanit është një nga lojtarët e talentuar të lojës së futbollit. Hapat e parë i ka bërë në shkollat e futbollit të qytetit të Gjilanit për të vazhduar në ekipet e kategorive të KF “Gjilani”. Pas një pauze për shkak të një lëndimi para dy viteve është rikthyer shkëlqyeshëm në ligën e futbollit të vogël në Gjilan, ku me lojëra të shkëlqyeshme ka befasuar tifozërinë dhe ekspertët e futbollit.

Këtyre ditëve ka vendosë t`i kthehet futbollit profesional duke u transferuar nga KF “Gjilani” në KF “Kika” të Hogoshtit si përforcimi kryesor në këtë klub me ambicie të mëdha dhe tejet të organizuar sivjet.

Burimi sot për klubin e ri të tij KF “Kika” ka pas paraqitjen e parë në Lipjan kundër Lipjanit ku përveç lojës fantastike ka arritë edhe të shënojë golin e parë për Kikën ku këtë ndeshje KF Kika e ka fituar si mysafir me rezultat 3:2.

Burimi ka shumë oferta nga klubet e Superligës së Kosovës dhe nga disa klube jashtë Kosovës, por këtë sezon ka vendos të tregojë se është në formën e tij më të mirë dhe pastaj do të vendos për vazhdimin e karrierës së tij duke mos e përjashtuar as KF Gjilanin ku ka bërë hapat e parë si futbollist profesionist./rajonipress/