Burg me kusht për Musa Shkodrën e Xhevat Sadikun

Gjilan – Gjykata Themelore në Gjilan në aktgjykimin e saj ka shpallur fajtor të akuzuarit Musa Shkodra e Xhevat Sadiku sepse gjatë periudhës kohore nga shtatori i vitit 2004 kur janë regjistruar studentët e deri në përfundimin e programit të studentëve në vitin 2011, në cilësi të personave zyrtar – bashkëpronar të Kolegjit Universitar “Gjilani” në bashkëveprim kanë bërë shpërdorimin e detyrës zyrtare, ashtu që pa pasur licencim për programin mësimor fillor dhe parafillor me qëllim të përfitimit të kundërligjshëm pasuror, kanë regjistruar 53 student në vitin shkollor 2006-2007 dhe 59 studentë në vitin shkollor 2007-2008 dhe në mënyrë të kundërligjshme në emër të pagesave kanë marrë 287.680.00 euro duke i dëmtuar studentët me këtë shumë përkundër që nga Ministria e Arsimit nuk kanë pasur licencë.

Andaj trupi gjykues e kryesuar nga Emine Salihu gjykon të akuzuarin Musa Shkodra me dënim burgimi në kohëzgjatje prej 8 muajve i cili dënim nuk do të ekzekutohet në qoftëse i akuzuari prej dy vitesh nuk kryen ndonjë vepër penale dhe Xhevat Sadikun me dënim burgimi në kohëzgjatje prej dy vitesh gjithashtu me kusht për dy vite./rajonipress/