Bunjaku vazhdon me gola

Kaiserslautern – Sulmuesi kosovar, Albert Bunjaku, ka vazhduar me shënimin e golave në kategorinë e dytë gjermane.

Ai të martën mbrëma shënoi golin e vetëm për Kaiserslauternin që barazoi 1:1 në shtëpi me Jahn Regensburgun.

Ndeshja i takonte javës së 16-të të Bundesliga 2. Bunjaku këtë edicion ka shënuar tetë gola e ka asistuar katër herë. “Kemi pasur mundësi të fitojmë, por nuk shfrytëzuam rastet.

Për këtë duhet të jemi të kënaqur me një pikë. Tani na mbetet që në ndeshjen e ardhshme të kompensojmë pikët e humbura”, ka thënë Bunjaku për sajtin zyrtar të klubit. Në Bundesliga 2 ka shënuar edhe Edmond Kapllani. Skuadra e tij fitoi 3:1 kundër Bochumit.

Shpërndaje.
© RAJONIPRESS