Bunjaku Rexhepi: Studentët kanë luajtur rol të rëndësishëm

Gjilan – Organizata studentore Unioni i Studentëve Pro Europian (USPE) ka shënuar sot në pesë vjetorin e themelimit në Universitetin “Kadri Zeka” në Gjilan, ku ka marrë pjesë edhe kryesuesja e Kuvendit Komunal të Gjilanit, Valentina Bunjaku Rexhepi, e cila iu uroi suksese të mëtejshme USPE-së.

“Është në privilegjin tim që të marrë pjesë sot në këtë pesë vjetor të USPE-së, duke ju dëshiruar suksese edhe me të mëdha në të ardhmen. Studentët kanë luajtur gjithmonë rol tejet të rëndësishëm në të gjitha proceset e shtetndërtimit në Kosovë. Unë ju sugjeroj që të bashkëpunoni me të gjithë për të mbrojtur interesat e studentëve, derisa përkrahja e Komunë së Gjilanit nuk do të mungoj asnjëherë”, ka thënë Bunjaku Rexhepi.

Në këtë pesë vjetor të themelimit të USPE-së fjalë rasti ka pasur edhe Betim Sherifi – sekretar i organizatës, dhe Vaxhid Sadriu – sekretar i Universitetit “Kadri Zeka” etj./rajonipress/