Bunjaku mund të largohet nga Baseli, mediumi zviceran mëson destinacionin e tij të ardhshëm
RajoniPress
19:50, 16 Shkurt, 2021
Orges Bunjaku mund të ndryshojë ambient, duke u larguar kështu nga Baseli.
Siç raporton “Nau.ch”, futbollisti nga Kosova është në listën e dëshirave të Grasshoppersit, shkruan “Zeri.info”.
19-vjeçari konsiderohet si një futbollist premtues, andaj te skuadra nga Cyrihu mund të kalojë vetëm në huazim.
Aty ai pritet të kalojë për më shumë minutazh.
“Grasshoppers është një mundësi, por varet nga perspektiva. Krejt varet nga ajo çfarë klubi i ofron Orgesit deri në fund të edicion”, tha agjenti i Orgesit, Christoph Graf.
Afati kalimtar dimëror është mbyllur në Zvicër, por në futbollin zviceran futbollistët nën moshën 21-vjeçare mund të ndryshojnë skuadër deri në fund të muajit mars. /Zeri.info
