Bunjaku e ka një mesazh për ata që e vërshëllyen kapitenin e Kosovës

Bunjaku ka mbrojtur Ujkanin, i cili ishte viktimë e tifozëve në stadiumin “Adem Jashari” në fitoren 4:3 të Kosovës kundër Letonisë.

Ish-përzgjedhësi i Kosovës, Albert Bunjaku, ka folur për fitoren e “Dardanëve” ndaj Letonisë. Ai ka komentuar gjithashtu edhe atë që i ndodhi kapitenit, Samir Ujkanin, i cili u vërshëllye nga publiku.

“Situatë e vështirë për Samirin dhe për lojtarët e për shtabin teknik. Është një situatë që nuk na ka ndodhur shpesh, por ka pasur tendencë të ndodhë”, deklaroi Bunjaku për “Supersport’.

“E mbaj mend në një moment ndaj Kroacisë kur Leart Paqarada e kthen topin te portieri dhe i gjithë stadiumi fillon të vërshëllejë, duke kërkuar lojë sulmuese, ani pse përpara kishim Kroacinë”.

“Këtu tregohet ndoshta edhe dëshira dhe vullneti i opinionit”, shtoi ai.

“Një fitore shumë e pritur, në momentin më të mirë. Kemi dashur t’ju dhurojmë këtë fitore tifozëve”.

“Është një fitore që e mbyllë në mënyrën më të mirë kapitullin e këtij shtabi teknik”, u shpreh Bunjaku.