UBT

Bunjaku: Dështimet e qeverisjes nga LVV janë në të gjitha sferat

/ 3 minuta lexim

Gjilan – Për dy vite qeverisje nga LVV, nga shpresa e madhe e qytetarëve për ndryshim jemi dëshmitarë të zhgënjimit të theksuar. Si të arritura të kësaj qeverie fatkeqësisht nuk mund të numërojmë sepse dështimet janë pothuajse në të gjitha sferat. Dështimi i tyre kaq i madh për dy vite do të bartë pasoja më të mëdha se 20 vitet e kaluara e që ishin parullë e tyre dje,sot e mbase edhe më tutje ka shkruar deputetja Valentina Bunjaku Rexhepi.

Reagimi i plotë:

Në politikën e brendshme ka degradim të sistemit shëndetësor. Asnjë investim e madje mungesë barnash esenciale. Asnjë vizitë e Ministrit të shëndetësisë(edhe pse u ndërruan shpesh) në QKUK apo spital tjetër që të shihen problemet e shumta. Mungesë dhe ikje e mantelbardhëve nëpër shtete tjera si pasojë e injorimit dhe shpërdorimit të dinjitetit të tyre.

Asnjë investim në shkolla përveç një çerdhe të inauguruar. Asnjë ndryshim pozitiv e madje ndërhyrje qeveritare,partiake e familjare në punësime deri në nivel të lartë akademik.

Investimet kapitale në ekonomi janë 9% ndërsa nevojat shumë të mëdha. Sistemi energjetik në kolaps e çmimet 100% më shtrenjtë. Ndërhyrja e dorës së shtetit sa për mëshirë e skandalet e ambasadorit Berisha mbrohen nga qeveria Kurti. Çmimet e artikujve esencialë e inflacioni kanë ngritur koston familjare deri në luftë për ekzistencë.

Në degradim janë edhe sistemi drejtësisë,gjyqësisë e prokurorial.

Asnjë e arritur madje as për ta prishur renditjen e dështimeve.

RCCOLA

Në aspektin e sigurisë përkeqësim ne veri të vendit. As sovranitet e as dorë të shtetit. As polici e as gjyqësi. Rikthim në katraharurë si pasojë e vendimeve të gabuara.

Në politikën e jashtme dështim total. Asnjë njohje e madje asnjë pranim në organizata ndërkombëtare, përveç ndonjë aplikimi të pakoordinuar. Ndërhyrje e skandale me ambasadorë deri në shkelje të ligjit. Mosdije e papërvojë në diplomaci.

Lufta kundër korrupsionit,nepotizmit e luksit qeveritar u kthye në fjalë e mashtrime të dukshme.

Raportet me aleatë ndërkombëtarë të ftohura e madje të prishura e bëjnë këtë qeveri edhe më të dobët. Dialogu me Serbinë si palë fajtore e paaftë për kompromise na dërgon në faktor destabilizimi. Egoja fiktive para tyre na paraqet të pabarabartë si palë.

Thjeshtë,2 vite dështim,e si pasojë ikje e emigrim masovik jo vetëm të të rinjëve. Shpresën e tyre si kauzë për shtet e kthyen në zhgënjim të madh duke u akomoduar fals në pushtet.

Dështimi i tyre kaq i madh për dy vite do të bartë pasoja më të mëdha se 20 vitet e kaluara e që ishin parullë e tyre dje, sot e mbase edhe më tutje…