Bunjaki studion Turqinë, mendjen te Evropiani 2020

Albert Bunjaki ka analizuar Turqinë, me të cilën do të përballet në kuadër të eliminatoreve për Botërorin 2018. Por, ai e ka mendjen te eleminatoret e Evropianit 2020
Federata e Futbollit e Kosovës (FFK) njofton se ekipi i drejtuar nga Albert Bunjaki ka mbajtur orë teorike së bashku me shtabin teknik dhe kanë analizuar ndeshjet e kaluara të Turqisë.

Gjatë kësaj kohe përzgjedhësi Bunjaki, ka thënë se përfaqësuesja ka 30 për qind lojtarë të rinj, të cilët nuk ishin me Kosovën në ndeshjet e mëparshme, përcjell Express.

“Sikur që kemi thënë se ne do të punojmë për kualifikimet për Botërorin Rusia 2018 por si objektiv real i yni është kualifikimi në evropianin 2020, ku mundësitë tona janë më të mëdha dhe gjasat për kualifikim janë në favorin tonë. Nëse punojmë me përkushtim dhe krijojmë një ekip homogjen rezultatet dhe suksesi nuk do të mungojë”, ka thënë Bunjaki.

Përfaqësuesja sot pasdite do të mbajë seancën e parë stërvitore në orën 16.00. /Express/