Bunjaki: Kroacia e fortë, besojmë në befasi
Bunjaki beson se Kosova mund ta befasojë Kroacinë.
Trajneri i Kosovës, Albert Bunjaki, e ka pranuar se do të jetë shumë e vështirë përballja me Kroacinë, por beson në befasi.
“E respektojmë Kroacinë, por do të mundohemi të bëjmë lojën tonë. Është ndeshje e vështirë, por ne besojmë në befasi”, ka thënë Bunjaki.
Kosova do të përballet me Kroacinë më 2 shtator në “Maksimir’ në kuadër të kualifikueseve për Kupën e Botës “Rusi 2018”, derisa pas tri ditëve pret Finlandën në “Loro Boriçi” në Shqipëri. /Gazeta Express/