Bunjaki gol për skuadrën e parë të Frankfurtit

Enis Bunjaki vazhdon të shkëlqejë. Sulmuesi i ri kosovar, i cili luan për të rinjtë e ekipit gjerman Eintracht Frankfurt, së fundmi iu është bashkuar edhe skuadrës së parë, në një ndeshje miqësore.

Ish-anëtari i Përfaqësueses së Kosovës, tani i Gjermanisë U18, ka qenë titullarë për skuadrën e tij Frankfurt në ndeshjen miqësore ndaj Rot Weis Frankfurt, ku ka shënuar edhe golin e dytë në fitoren 5:0 të ‘kuqezinjve’.

Në një prononcim për Telegrafin, 17-vjeçari thotë se është i lumtur me ecurinë e tij ndërsa shpreson të debutoj këtë vit në Bundesligë. “Këtë vit kam ushtruar shpesh me skuadrën e parë ndërsa edhe kam luajtur në ndeshjet miqësore. Jam shumë i kënaqur me formën aktuale si dhe me golat e shënuar si me Gjermaninë ashtu edhe me Frankfurtin. Shpresoj që të vazhdoj me këtë ritëm, dhe nëse vazhdoj kështu mund ta realizoj ëndrrën time për të debutuar në Bundesligë”, deklaroi Bunjaki për telegrafin.

Ndërkohë ai ka marrë edhe një pale këpucë sportive nga kompania gjigante adidas, ku në to është flamuri i Kosovës dhe ai gjerman.