Bunjaki e sheh Kosovën favorite për kualifikim në EURO2020 përmes Ligës së Kombeve

Ish trajneri i Kombëtares së Kosovës, Albert Bunjaki, i sheh ‘Dardanët’ favoritë për një kualifikim në Kampionatin Evropian.

Kosova gjenden në gjysmëfinale të Play Off të Ligës së Kombeve, dhe është vetëm dy ndeshje larg qëllimit të madh.

Në rast fitoreje ndaj Maqedonisë në gjysmëfinale, dhe në finale ndaj Gjeorgjisë apo Bjellorusisë, Kosova do të siguronte për herë të parë pjesëmarrjen në Kampionatin Evropian.

E në rrugën drejt kualifikimit, Bunjaki e sheh Kosovën favorite, që para saj ka një mundësi jetike.

“Kosova është favorite, është mundësi jetike që Kosova të arrij qëllimin që e ka pasur, të jetë pjesë e Kampionatit Evropian 2020”, ka deklaruar Bunjaki për ‘Ora Shtatë në Klan Kosova’, përcjell lajmi.net.

Një kualifikim i Kosovës në Euro 2020, do të ishte në vije me synimet e Bunjakit, që deklaronte se Kosova po përgatitet për kualifikim në Kampionatin Evropian.

Kujtojmë se Bunjaki ishte personi që vuri themelet e Kombëtares së Kosovës, duke ofruar lojtarët më cilësorë të saj./Lajmi.net/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).