Bunjaki: Duhet ta respektojmë vendimin e Hetemajt

Përzgjedhësi i Përfaqësueses së Kosovës, Albert Bunjaki, thotë se të gjithë duhet ta respektojnë vendimin e Përparim Hetemajt për të vazhduar me Finlandën, edhe pse në Kosovë prisnin që ai do t’i bashkohej ekipit verdhekaltër.

Trajneri kosovar tregon se vendimin e Përparimit e dinte qe një kohë, shkruan sot gazeta Zëri.

“Unë e kisha një bisedë me Përparimin para 2-3 javësh dhe më informoi për vendimin e tij, që natyrisht duhet ta respektojmë. Natyrisht, nuk ka qenë ndonjë vendim i lehtë për të, mirëpo me rëndësi është që ai të ndihet mirë. Sigurisht, edhe ai vetë do të informojë për vendimin e tij më detajisht”, ka thënë Bunjaki për “Zërin”.