“Bum-Bum-Berisha”

Pas një jave të kaluar në shtëpi me familjarët e tij në Norvegji, sulmuesi Veton Berisha që ka shënuar pesë gola në dy ndeshje miqësore me Greuther Furthin, i është kthyer punës, shkruan sot Koha Ditore.

Për pak ditë qëndrimi në Furth ai ka marrë nofkën “Bum-Bum-Berisha” për shpërthimin e shpejtë. Pas kthimit ka dhënë edhe një deklaratë: “Idhulli im është Zlatan Ibrahimoviq”.

Të dy vijnë nga Skandinavia dhe rrënjët i kanë nga Ballkani, por që nuk kanë shumë gjëra të tjera të përbashkëta.

Ndryshe nga Berisha që është 21-vjeçar dhe i gjatë 172 centimetra, Ibrahimoviq është 33-vjeçar dhe i gjatë 195 centimetra. Madje, edhe jashtë fushës së futbollit nuk e kanë famën të njëjtë.

“Mbi gjitha më pëlqen mënyra qesharake se si Ibrahimoviq sillet në rrugë me njerëzit”, thotë sulmuesi i ri i Greuther Furthit.

Të dy futbollistët futbollin e kanë mësuar në rrugë. Berisha 21-vjeçar u rrit së bashku me vëllanë e tij 22-vjeçar, Valon Berisha, që luan për skuadrën e Red Bull Salzburg, në Komunën e Egersundit me rreth 14 mijë banorë.

http://koha.net/?id=6&l=66888