Bukuroshja shqiptare fitoi titullin “Luxemburg Next Top Model”

Ornela Gavoci është kurorëzuar me titullin “Luxemburg Next Top Model”.Vajza nga Shkodra ka mposhtur në këtë konkurs bukurie 21 konkurrentet e tjera në një spektakël të mbajtur të dielën në mbrëmje në Alvisse Parc Hotel në Luksemburg.

Në rundin e fundit, kur kishin mbetur vetëm tri vajzat që luftonin për çmimin e madh, Gavoci u shpall fituese e çmimit kryesor, duke lënë pas Axelle Noel, e cila fitoi çmimin “përcjellësja e parë” dhe Tessy Ramos, “përcjellësja e dytë”, raporton albinfo.ch.

Me fitoren e çmimit “Luxembur Next Top Model”, Gavoci ka fituar të drejtën të marrë pjesë në garën botërore “World Next Top Model” që do të zhvillohet nga data 14 -17 qershor në Bejrut.

Një familjare e Orneles tha për albinfo.ch se bukuroshja shqiptare jeton dhe ndjek Liceun në Luxemburg, ndërsa është shumë e motivuar të prezantojë sa më mirë bukurinë shqiptare në garën botërore që mbahet muajin e ardhshëm.