Bujar Haziri: I kemi ruajtur dhe avancuar vlerat e Flakës..

Gjilan – Bujar Haziri shef i sektorit të kulturës në Gjilan tha për rajonipress se përkundër borxheve të trashëguara “Flaka e Janarit” është zhvilluar e po zhvillohet me të gjitha epitetet e saja pozitive. Vlerat e Flakës edhe këtë vit i kemi ruajtur dhe avancuar edhe më shumë tha Haziri.

Ndonëse në përgjithësi Komuna e Gjilanit sipas udhëheqësve komunal ka borxhe në të gjitha drejtorit, Manifestimi tradicional “Flaka e Janarit” është mbajtur sipas agjendës dhe programit të saj.

Madje Bujar Haziri shef i sektorit të kulturës thotë se Flaka i ka ruajtur të gjitha epitetet e saja pozitive që ka pasur gjatë viteve, raporton rajonipress.

Haziri tha se manifestimi tradicional “Flaka e Janarit” ka shkuar ashtu siç duhet, madje duke tejkaluar të gjitha parashikimet.”Edhe pse kemi trashëguar borxhe të shumta ne si drejtori, por edhe me përkrahjen e kryetarit të Komunës zotit Lutfi Haziri kemi arritur t`i ruajmë vlerat dhe epitetet pozitive që ka prodhuar gjithmonë “Flaka e Janarit” tha Haziri.

Haziri tha se ka pasur një entuziazëm dhe është punuar në mënyrë ekipore për të zhvilluar vlera dhe për të ruajtur katër shtyllat kryesore të këtij manifestimi që lidhen me artin letrar, artin pamor, artin figurativ dhe artin muzikor.

Haziri tha se në kuadër të “Talia e Flakës” pati shumë shfaqje të mira e publik të mrekullueshëm. “E kemi gjallëruar për këto ditë Gjilanin sepse ka pasur vërtet shfaqje serioze” tha Haziri./rajonipress/