Bujar Berisha për të dytën herë asambleist në Komunën Emmen

Shqiptarozvicerani, Bujar Berisha ka rezervuar sërish një ulëse në Asamblenë Komunale të lokalitetit Emmen (kanton Lucern) në Zvicër.

Kjo u bë e mundur falë votave që ka marrë ai në zgjedhjet e datës 1 maj. Bujari këtë fitore e konfirmon përmes një fotografie ku shfaqen edhe emrat e fituesve të tjerë nga Partia Socialdemokrate (SP) në Zvicër.

Nga SP-ja në Emmen janë zgjedhur: Judith Suppiger (sërish, Pius Müller (sërish), Sigi Regli (sërish), Barbara Fas (sërish), Bujar Berisha (sërish), Brahim Aakti (i ri)”, shkruan ai, përcjell “albinfo.ch

Theksojmë se bashkë më Bujarin për SP, kandidat ishte edhe shqiptari tjetër Dritan Sylejmani, i cili duket se nuk ka arritur të fitojë.

Bujar Berisha është nga Klina me banim në Emmen të Lucernit. Ai është edhe anëtar i rok grupit të njohur shqiptarozviceran “Who’s Elektra”, për të cilin albinfo.ch ka shkruar tashmë disa herë ndërsa profesionalisht merret me fotografi.

Ky është mandati i dytë për Bujar Berishën që është pjesë e Asamblesë Komunale të Emmen-it./albinfo/