Bujanoci kampion i papunësisë, komuna ndan veç 10 milion dinarë për subvencione

Numri i të rinjve të papunësuar në Serbi për një vit është zvogëluar për 23.000 ndërsa përqindja më e madhe e të papunësuarve edhe më tej është 34 % në jugun e Serbisë.

Në Bujanoc ku jetojnë 43.000 banorë të pa punë janë afër 6000 njerëz prej tyre pothuajse çdo i katërti është më i ri se 30 vjeç, raporton Rts, transmeton Titulli.com.

Komuna e Bujanocit nga buxheti për fillim të biznesit ka ndarë dhjetë milionë dinarë, projekte dhe ide ka, por nuk ka të holla të mjaftueshme dhe se ekziston një problem i konsiderueshëm në praktikë, thonë përfaqësuesit e komunës së Bujanocit për zhvillim ekonomik.

“Mendoj se shkalla e vogël e tatimeve ka ndikuar që të rinjtë realisht të jenë të suksesshëm. Në bazë të statistikave, dy vitet e para ata funksionojnë, ndërsa viti i tretë është i rrezikshëm. Atëherë ose shuhet ose iu është i nevojshëm stimulimi”, tha Fazila Azemoviq nga Zyra për Zhvillim Ekonomik Lokal në Bujanoc.

Personat kompetentë thonë se shteti këto probleme i ka parasysh, gradualisht organizohen trajnimet për fillimin e biznesit dhe rikualifikimeve.

“Ne u ndihmojmë në përpilimin e biznes planit, menaxhimin e punës dhe i japim subvencione, ndërsa pas asaj realizojnë ndonjë lloj të mentoringut, përcjellim punën e tyre pas themelimit të biznesit, në mënyrë që më gjatë të qëndrojnë në atë biznes”, tha për RTS Zoran Marinkoviq, drejtori i Shërbimit Nacional për Punësim.

Sipas tij më e rëndësishme është që të rinjtë në jugun e Serbisë të qëndrojnë në këtë vend, për të cilën përveç fillimit të biznesit të vogël i rëndësishëm është edhe ardhja e kompanive të mëdha./Titulli.com/