Bujanoc: Sedat Beqiri në krye të KBI-së në Bujanoc

Sot, në Bujanoc, në mënyrë unanime u zgjodh për kryetar të Këshillit të Bashkësisë Islame, në mandatin katërvjeçar, prof. Sedat Beqiri.

Zgjedhjet në këtë institucion fetar, u zhvilluan të qeta, të cilat u monitoruan nga kryetari i BIPMB-së, Myftiu Nexhmedin ef. Saqipi, i cili njëherit është edhe z/reis i Rijasetit të Bashkësisë Islame në Serbi.

Vlen të ceket se kryetari sapozgjedhur i KBI-së, prof. Sedat Beqiri, është mësimdhënës i lëndës fetare në Shkollën Fillore të Samolicës në Bujanoc dhe delegat i Kuvendit të Rijasetit të Bashkësisë Islame në Serbi, njofton Jetapress.

Portali Jetapress, gjithashtu, mëson se këto ditë do të zhvillohen zgjedhjet për kryetar të KBI-së në Medvegjë dhe në KBI-në Rome në Bujanoc.