Bujanoc: Humb jetën tragjikisht në aksident një i ri nga Tërnoci

Bujanoc– Një aksident që ka ndodhur të mërkurën mbrëma, në Bujanoc, përkatësisht në rrugën e Kosovës, humb jetën tragjikisht një i ri nga Tërrnoci, njofton agjencia e lajmeve “Presheva Jonë”.

Aksidenti ka ndodhur si pasojë e përplasjes së një motoçiklete (Skuter) të cilën e ngiste R. M. (nxënësi që sapo ka kryer vitin e tretë të shkollës së mesme) dhe një veture, të tipit Audi, me targa BU, përderisa motoçikleta po udhëtonte nga Tërnoci në drejtim të Bujanocit.

Nga vendi i ngjarjes shihet se, deri te përplasja e motoçikletës në automjetin ka ndodhur si pasojë derisa automjeti ka prerë rrugën nga ana e djathtë, respektivisht për daljen nga rruga kryesore, dhe hyrjen në njërën nga rrugicat e rrugës së Kosovës.

Ngjarja e rëndë tragjike ka ndodhur në orët e vona të mbrëmjes të së mërkurës, me ç`rast ka shqetësuar banorët, ndërsa policia ka mbërritur në vendngjarje dhe ka nisur hetimet për zbardhjen e plotë të këtij aksidenti, ndërkohë që personi që ngiste veturën është ndaluar nga policia.

Ndërsa, policia ka vazhduar hetimet në vendngjarje,vëzhgimin e vendit të aksidentit tragjik rreth orës 22:30 e ka bërë edhe prokurori./Metali Krasniqi/