Buja shpenzon mbi 225 mijë euro për vetura të reja

Stafi i Ministrisë së Arsimit Shkencës dhe Teknologjisë dhe udhëheqësit e universiteteve të reja, nuk do të ecin më në këmbë. Ata tash e tutje do ti kenë në dispozicion veturat me kilometrazh 00. Këtë komoditet atyre ka vendosur t’ua ofroj ministri Ramë Buja.

Institucioni që udhëhiqet nga Buja, ka vendosur të shpenzojë qindra e mijëra euro në blerjen e veturave. Tenderi “Furnizimi me vetura për nevojat e Universiteteve të reja në MASH-të”, që është ndarë në katër loto do t`i kushtoj Ministrisë së Arsimit mbi 225 mijë euro.

Veturat për këta përfaqësues të institucione do të jenë të markave të ndryshme. Derisa, kompanitë që do ta bënjë furnizimin me to janë më të mëdhat në Kosovë.

Loton e parë në vlerë prej 70,980.00 eurove e ka fituar kompania “Hunday”. Kurse, kompanisë “Mercom-Company” i është besuar loto dy me vlerë prej 43,200.00 euro. Loton tre e ka fituar kompania “Hynday”-Company”- me vlerë prej 25,125.00 eurove. Derisa, loto katër është rezervuar për “Auto Kaqandolli”- më shumën e parave prej 86,100.00 eurove.

Në njoftimin për dhënie të tenderit në KRPP thuhet se ky tender është dhënë me 25.06.2014. Kurse, data e planifikuar e nënshkrimit të kontratës 04.07.2014./Express/.