Buja: Po ndërtojmë shkolla cilësore në tërë Kosovën

Gjilan – Në përurimin e shkollës bujqësore donacion i DANID-ës daneze dhe komunës së Gjilanit ka folur Ramë Buja, Qemajl Mustafa e Bujar Nevzati. Buja tha se në tërë Kosovën po ndërtojmë shkolla cilësore dhe me këto objekte moderne Gjilani do të bëhet qytet universitar.

“Gjilani do të bëhet qytet universitar sepse tani ka objekte moderne e cilësore – studimore”. Kështu tha ministri i Arsimit Ramë Buja derisa së bashku me Qemajl Mustafën e Bujar Nevzatin e prenë shiritin e shkollës së re bujqësore donacion nga DANIDA daneze, Komuna e Gjilanit e Qeveria e Kosovës raporton rajonipress.

Buja tha se po ndërtojmë shkolla cilësore dhe kjo shkollë bujqësore është njëra nga shkollat më me perspektivë në Kosovë. Buja tha se shkollat e ndërtuara kanë cilësi ndërtimore dhe ju sigurojë se Gjilani duke përfshirë edhe studentët e Luginës së shpejti do të shndërrohet në një qytet universitar.

Kurse Qemajl Mustafa tha se shkolla është e kualitetit të lartë dhe tha se ky investim i qeverisë daneze është shumë inkurajues. Mustafa tha se në vazhdimësi e ka pasur prioritet arsimin dhe jam i sigurt se nga kjo shkollë do të dalin kuadro profesionale kurse të rinjtë nuk kanë nevojë ta braktisin Kosovën.

Edhe Bujar Nevzati drejtor i arsimit tha se sot është festë për Gjilanin. “Jemi munduar që ta ngrisim cilësinë dhe kemi arsye të ndjehemi të lumtur e krenar sepse kemi ndërtuar një shkollë më modernen në rajon” tha Nevzati.

Nevzati tha se tani nxënësit e këtij drejtimi e kanë më të lehtë të ndjekin mësimin profesional të edukohen e arsimohen sepse i kanë laboratorët dhe të gjitha kushtet mësimore.

Lars Ranfeld nga organizata daneze DANIDA tha se kjo është ndërtuar me përkushtim dhe shpresojmë që edhe në të ardhmen do të jemi prezent në Gjilan e Kosovë./rajonipress/