Brokoli riparon dëmet nga diabeti

Njerëzit me diabet kanë për pesë herë më shumë gjasa të zhvillojnë sëmundje kardiovaskulare sikur sulmi në zemër dhe pika në tru, transmeton Gazeta ‘Zëri’.

Të hash brokoli mund t’i kthesh dëmet e shkaktuara nga diabeti në enët e gjakut të zemrës, sugjeron një hulumtim. Një ekip nga Universiteti Warwick beson se çelësi është në një përzierje që gjendet në brokoli e që quhet sulforaphan.

Kjo inkurajon prodhimin e enzimave që mbrojnë enët e gjakut dhe reduktimin në nivelet e larta të molekulave, të cilat shkaktojnë dëme të konsiderueshme në qelizë. Njerëzit me diabet kanë për pesë herë më shumë gjasa të zhvillojnë sëmundje kardiovaskulare sikur sulmi në zemër dhe pika në tru, që të dyja janë të lidhura me dëmet e enëve të gjakut.

Ekipi Warwick ka testuar efektet e sulforaphanit në qelizat e enëve të gjakut të dëmtuara nga nivelet e larta të glukozës, të cilat shoqërohen me diabet.

Ata kanë shënuar 73% reduktim të molekulave në trup të quajtura Reactive Oxygen Species (ROS). Hulumtuesit kanë zbuluar se sulforaphani aktivizon një proteinë në trup të quajtur nrf2, proteinë e cila mbron qelizat dhe indet nga dëmet duke aktivizuar antioksiduesit mbrojtës dhe duke bërë detoksifikimin e enzimave, çka në fund rezulton me përmirësimin e dëmeve të shkaktuara më herët./ZERI