Bresalci mbështet fuqishëm Qemajl Mustafën

Gjilan – Bresalci ka qenë dhe do të mbetet mbështetës i fuqishëm i Partisë Demokratike të Kosovës dhe i Qemajl Mustafës. Në vitin 2009 Bresalci i ka dhënë vulën fitores së Qemajl Mustafës dhe kanë garantuar se më 3 nëntor 2013, prapë Bresalci do të vulos fitoren e PDK-së dhe kryetarit Qemajl Mustafa, kështu u shpreh kandidati për këshilltarë komunal, Zekri Sefa dhe simpatizantët e PDK-së nga Bresalci.

Në Bresalc janë bërë investime të konsiderueshme në infrastrukturë dhe në fusha të tjera, dhe tani është duke u realizuar projekti i ujësjellësit në Bresalc, Ponesh dhe Zhegoc, ka potencuar Sefa.

Me këtë rast Shefi i Shtabit Zgjedhor, Izmi Zeka , ka thënë se sonte në Bresalc po shohim fitoren e sigurt të PDK-së dhe Qemajl Mustafës. Mustafa ka qenë dhe mbetet themel i arritjes së sukseseve në Komunën e Gjilanit. Edhe në të kaluarën këtu ka pasur vepra të çmuar për vendin dhe Gjilanin shprehu bindjen se Gjilani do të vazhdoj ta qeverisë mirë PDK-ja dhe Qemajl Mustafa.

Ndërsa, kandidati për kryetar të Komunës për mandatin e tretë, Qemajl Mustafa, ka falënderuar Bresalcasit për mbështetjen dhe mikpritjen e përhershme dhe të mirë të qytetarëve të Bresalcit. Ai ka falënderuar ata për mbështetjen e fuqishme që ka dhënë për PDK-në dhe mua si kandidat. Bresalci na ka bërë të ndihemi krenar, sepse nga ju kemi marrë mbështetjen e plotë në zgjedhjet e kaluara me 70%. Ne kemi realizuar mjaft projekte në Bresalc, gjatë këtyre gjashtë viteve. Edhe pse nuk kemi mundur të realizojmë më shumë projekte se sa që i kemi bërë. Mbështetja që prapë sot Bresalci po e bënë për PDK-në dhe Qemajl Mustafën, na obligon që në mandatin e ri katër vjeçar të angazhohemi e të sjellin sa më shumë investime këtu. Ai ka garantuar se do ta kenë mbështetjen e plotë të Komunës dhe të qeverisë së Kosovës për projektet të cilat do të realizohen në Bresalc dhe rrethinë.

Mustafa tha se ne kemi marrëveshjen me kryeministrin e Kosovës dhe ju garantoj se qeveria e Kosovës, Gjilanin do ta mbështet fuqishëm me investime kapitale të cilat do të realizohen në vitet e ardhshme.

PDK në Gjilan ka ekipin më të mirë në listën kandiduese për këshilltarë komunal. Bresalci ka kandidatin Zekri Sefa, i cili do të ju përfaqësoj me dinjitet në kuvendin Komunal. Ne kemi gatishmërinë, vullnetin dhe guximin për të vazhduar rrugën e suksesit dhe zhvillimit të Gjilanit.

Ne kemi hapur rrugë investimeve në Gjilan. Kemi krijuar klimë të mirë për biznese, me politikat zhvillimore kemi ndikuar në rritjen e punësimit edhe pse nevojat janë ende të mëdha për punësim. Në vitin 2009 kemi premtuar 4 mijë vende të punës por ne kemi ndikuar që të krijohen mbi 7 mijë vende pune në sektor të ndryshëm. Edhe në vitin 2009 kemi thënë se në fund të mandatit nuk do të jemi të kënaqur me nivelin e punësimit, mirëpo kemi bërë më shumë se sa kemi pritur, ka thënë ndër të tjerash kryetari Mustafa.

Ndryshe, Mustafa gjatë ditës së sotme është takuar me anëtarë dhe simpatizant të PDK-së në shumë lagje dhe fshatra të Komunës së Gjilanit thuhet në njoftimin e degës së PDK-së në Gjilan./rajonipress/