RCCOLA

Bosnja në anën e Kosovës, deputeti Magazinoviq thotë se do të votojë pro anëtarësimit në Këshillin e Evropës

/ 2 minuta lexim
Fundamenti

Deputeti i Parlamentit të Bosnjë dhe Hercegovinës, Sasha Magazinoviq, i cili është edhe kryesues i delegacionit të BiH në Asamblenë Parlamentare të Këshillit të Evropës, ka bërë të ditur se do të votoj pro anëtarësimit të Kosovës në KiE.

Magazinoviq në një postim në X ka shkruar se të gjithë qytetarët e Kosovës meritojnë mundësitë e ofruara nga Këshilli i Evropës.

“Unë do të votoj duke u bazuar në bindjen se të gjithë qytetarët e Kosovës i meritojnë mundësitë e ofruara nga Këshilli i Evropës, që si shqiptarët, edhe serbët dhe të gjithë të tjerët më në fund të kenë qasje në Gjykatën Evropiane për të Drejtat e Njeriut, për të jetuar në një shoqëri më të avancuar demokratikisht sesa është sot dhe për të ndjerë përparim në shtetin e së drejtës”, ka shkruar ai.

RCCOLA

Magazinoviq ka shtuar se vetë opinioni thotë se votimi për anëtarësimin e Kosovës në Këshillin e Evropës nuk paragjykon qëndrimet e shteteve anëtare individuale lidhur me statusin e Kosovës.

“Dëshiroj që Bosnja dhe Hercegovina të konfirmojë sa më shpejt marrëveshjen e Procesit të Berlinit, që parashikon lëvizjen me kartën e identitetit në rajonin tonë dhe në këtë mënyrë të afrojë qytetarët e Kosovës me shtetin tonë, ashtu siç kanë bërë tashmë shtete të tjera, përfshirë edhe Serbinë”, ka shkruar deputeti Magazinoviq. /Telegrafi/